அஸ்ஸையித் ஷெய்க் ஹாஸிம் அபூ கஸாலா
ஷெய்க் ஹாஸிம் அவர்கள் பாலஸ்தீன் நாட்டில் 1933ம் ஆண்டில் மார்ச் மாதம் 3ம் திகதி பிறந்தார்கள். அன்னார் நாயகம் ஸல்லல்லாஹு அலைஹி வஸல்லம் அன்னவர்களின் பரம்பரையில் ஹுஸைன் ரலியல்லாஹு அன்ஹு அவர்களின் வழித்தோன்றலில் வந்தவர்கள்.
தற்போது அவர்கள் ஜோர்தான் நாட்டில் ஜாமியதுல் தாருல் குர்ஆனில் இமாமாகவும், தலைமை முப்தியாகவும் பதவி வகிக்கிறார்கள். அவர்கள் டமஸ்கஸ் பல்கலைக்கழகத்தில் ஊடகத்துறையை கற்று, பின்னர் இஸ்லாமிய கல்வியையும், ஷரிஆ பட்டப்படிப்பையும் கற்றுள்ளார்கள்.
இவர்கள் ஷாதுலி தரீக்காவின் ஷைக்காகவும், ஏராளமான ஷைகுமார்களிடம் இஜாஸாவும் பெற்றுள்ளார்கள்.
வருடத்தின் பெரும்பாலான நாட்களில் நோன்பு நோற்பவர்களான இவர்கள் ஒவ்வொரு இரண்டு அல்லது மூன்று நாட்களில் அல் குர்ஆனை ஓதி முடிக்க கூடியவர்கள். அதிலும் குறிப்பாக தஹஜ்ஜத் தொழுகையில் பெருமளவான அளவு ஓதி முடித்து விடுவார்கள். இது சொந்த ஊரில் இருந்தாலும் வெளியிடங்களுக்கு சென்றாலும் சரியே.
இவர்கள் பல நாடுகளிலும் இஸ்லாமிய தஃவா பணியை செய்து வருகின்றார்கள்.
அல்லாஹ் ஷெய்க் ஹாஸிம் அவர்களுக்கு நீண்ட ஆயுளை வழங்கி அருள் புரிவானாக.
English - தமிழ்
