அஸ்ஸையித்  ஷெய்க்  அfபீபுத்தீன்  ஜீலானி

மௌலானா ஷெய்க் அfபீபுத்தீன் ஜீலானி அவர்கள் ஈராக்கில் பக்தாத் நகரில் 1972ம் ஆண்டு ஏப்ரல் மாதம் பிறந்தார்கள். இவர்கள் கண்மணி நாயகம் ஸல்லல்லாஹு அலைஹி வஸல்லம் அன்னவர்களின் பரம்பரையில் 33 ஆம் தலைமுறையிலும் கௌதுல் அஃலம் முஹியத்தீன் அப்துல் காதிர் ஜீலானி ரலியல்லாஹு அன்ஹு அவர்களின் 19 ஆம் தலைமுறையிலும் வந்தவர்கள்.

இவர்கள் மார்க்க கல்வியை ஈராக் நாட்டின் முப்தி ஷெய்க் அப்துல் கரீம் முதர்ரிஸ் அவர்களிடமும் இன்னும் ஏராளமான உலமாக்களிடமும் கற்றுள்ளார்கள். மார்க்க சட்டம், சூபிசம் ஆகியவைகளில் நிபுணத்துவம் பெற்றவர்கள்.

இவர்கள் பக்தாத்தில் நிறைய பள்ளிவாசல்களில் கதீபாகவும், இமாமாகவும் இருந்தார்கள். அவற்றில் முஹியத்தீன் அப்துல் காதிர் ஜீலானி ரலியல்லாஹு அன்ஹு அவர்களின் பள்ளிவாசலும் ஒன்றாகும். இவர்கள் ஈராக்கிலும் உலகில் மற்ற நாடுகளிலும் பல இஸ்லாமிய கருத்தரங்குகளில் சிறப்பு பேச்சாளராக கலந்து கொண்டுள்ளார்கள்.

இவர்கள் தாருல் ஜெய்லானி மற்றும் அல் வாரிஸீன் அறக்கட்டளை ஆகியவைகளை நிர்வகித்து வருகின்றனர்.  இவை பல்வேறு இஸ்லாமிய சேவைகளை முஸ்லிம்களுக்கு செய்து வருகின்றன.

இவர்களிடம் உலகின் பல பாகங்களிருந்து மாணவர்கள் வருகை தந்து மார்க்க கல்வியை கற்று வருகிறார்கள். இவர்கள் உலகில் பல நாடுகளுக்கு சென்று தஃவா பணி செய்து வருகிறார்கள்.

இஸ்லாத்திற்காக அயராது உழைத்து வரும் ஷெய்க் அபீபுத்தீன் ஜீலானி அவர்களுக்கு அல்லாஹ் நீண்ட ஆயுளை வழங்கி அருள் புரிவானாக.